Maaf Kijiyega Sir, Par jahan se mai dekh raha hun aap Har gaye...
Kyunki Jahan Se Mai Dekh Raha Hun, Mujhe Ek 55 saal ka Baap ...Ek 19 saal ki Beti ki Phool Chadi Tasvir Ke Niche Khada Dikh Raha Hai...
Aap tab bhi hare they aur aap Aaj bhi Hare hai...
Apne kabhi socha Mr. Shankar mai Gurukal wapas kyun aaya? Kiske Liye? Jis Ladki se mai Mohabbat karta hun woh toh ab is Duniya Mai Hai Nai...
Yeh Vicky, Sameer, Karan kaun hai mere? Mai toh inko janta bhi nai, Mai toh yahan par kisiko bhi nai janta tha... Mai wapas aaya tha apke lie Mr. Shankar...Mai Wapas aaya tha us Baap ke Liye jiski Beti se mai Mohabbat karta hun.... Mai yahan isliye aaya tha kyunki woh Hamesha kaha karti thi ki,
Mere Papa bahut pyaare hai, upar se sakth hai par andar se bahut Narm...
Woh Sakthi todne aaya tha, Pata Hai Mr. Shankar mere paas Megha ki koi tasvir nai hai, jarurat hi nai padi kyunki Jahan par bhi Mohabbat hoti mujhe wahan Megha dikhti hai
Aur mai sochta tha ki agar mai apke Samne ek bhi Mohabbat puri kardun Ek bhi.. Toh apko bhi Megha dikhai de jayegi.. Aur aap dekhenge ki woh kitni khush hai toh shayad aapka dard kam ho jayega
Mai aapka dard batne aaya tha, Apko Megha dikhane aaya tha,
Mai aaya tha kyunki mai ek baat samajh chuka tha, ki Megha apke bina adhuri hai, Lekin aap abhi tak nahi samajh paye ki Megha mere bina bhi adhuri hai, Hum dono ka sath hi use pura kar sakta hai,
Mai woh pura karne aaya tha jo aap uske jete ji pura nai kar sake,
Mai Megha ko Pura Karne Aaya tha..Megha ko Pura Karne Aaya tha,
Aap Zindagi ki har jung jitte chale aaye, par Zindagi ke sare sahare harte chale gaye...
Tab aap ek Beti hare they aur aaj aap ek Beta hare hai...
Maaf Kijiye Sir, Par jaha se mai dekh raha hun aap sab kuch har gaye,
Kyunki Jahan se mai dek raha hun, Mujhe Ek Ziddi, Badnasib Insaan Dikh Raha Hai Jo Khada Hai Pith Karke un Do Logon ke taraf jo use Duniya mai Sabse Jyada Chahte Hain
Maaf Kijiyega Sir,
Maaf Kijiyega...

Chaddi.... Ekse Badhkar Ek Chaddi,
Rang-Berangi Designdaar Khusbudaar,
Izzatdaar Chaddi, Har Colour, Har Design, Har Size, Har Flavour Ki Chaddi,
Party Wear Chaddi, Common Man Se Lekar Super Man tak Sabhi Ke liye milegi Har Shape mein nili Pili Satrangi Aur Chitkabri Chaddi,
Raat Ke Rajao Ke Liye Disco Wali chaddi Radium Wali chaddi, Nade Wali, Bina Nade Wali, Elastic Wali Plastic Wali,
Chote Baccho Ke Liye Special chota bheem aur doremon chaap chaddi... bado ke liye tiger print chaddi Full Guranteewali Chaddi
Chahe jitna Khello Kabbadi Tut Jayegi Haddi Nahi Fategi Chaddi,
Chaddi Chaddi Ek Se Badhkar Ek Chaddi.

Aisa to nahi tha ki usse jayeda khoobsurat ladki maine kabhi dekhi nahi thi...
par pata nahi kyon...
uske chehre se meri nazar hat ti nahi thi...
uski aankhen jhuki hui thi aur
uski saanse tez....
bohot dari hui thi woh...
uska ek baal uski daayen aankh ko pareshan kar raha tha...
woh use jhatakne ki koshish kar rahi thi par hawa tez thi aur..
baal wahin ka wahin

Bohot purana ek khawaab tha..
Jise dekh kar laga nahi tha ki pura hoga kabhi...
par ab jab tumhe dekhta hu apni aankhon ke saamne..
to lagta hai jaise sapne sach mei pure hote hai

Meri ek taang nakli hai..
mei hockey ka bohot bada khiladi tha..
ek din Uday bhai ko meri kisi baat pe gussa aa gaya to meri hockey stick se meri taang ke chaar tukde kar diye..
lekin dil ke bohot ache hai ...
foron hospital leke gaye..
operation karwaya..
nayi taang lagwa di..
yeh stick bhi di..
thoda kharcha diya

Main aankhein band karta hoon toh tumhe dekhta hoon,
aankhein kholta hoon toh tumhe
dekhna chahta hoon.
Tum paas nahin hoti toh tumhe charon taraf mehsoos karta hoon.
Har pal
har ghadi har waqt
mere naina
mere Naina ko doondhte hain.
Ise pyar kaho, paagalpan ya..
mere dil ki dhadkan.
Mere liye ek hi baat hai.
Pyaar toh bahut log karte hain,
lekin mere jaisa pyar koi nahin kar sakta, kyonki kisi ke paas..
tum jo nahin ho.
Main tumhe bhool nahin sakta Naina.
Main tumhe
Main tumhe bhoolna hi nahin chahta.
Tum meri ho, main tumhe zindagi bhar pyar karoonga.
aur Marte dam tak pyar karoonga..
aur uske baad bhi.